Overblog
Editer l'article Suivre ce blog Administration + Créer mon blog
19 mai 2021 3 19 /05 /mai /2021 02:46

Napoléon

 

Léyon pa enmen Napoléyon

Pou’y, misié sé an lapo lonyon

Lè man mandé’y poutji i ni tousa émosion

I di mwen : misié aji kon an mous-kouyon

Epi moun Gwadloup i pran pou mouton

I viré mété lestravay san fason

Moun Lésent fè For Napoléyon

Mé an boug kon Delgrès ki pa té an kouyon

Di i simié mò pito kon neg mawon

Pasé déviré anba jouk lestravay san pokosion

Pa asou Matouba, i pran an rézolision

I di tou fò épi déterminasion :

La libèté oben lanmò kom solision

Pou pa viré anba ni soumision

Ni tribilasion épi tizon

Ni rotasion Napoléon

Pou pies kalté rézon.

 

 

 

Jid 18 mai 2021

Partager cet article
Repost0

commentaires