Ou ni tò… oben rézon
Ou pa janmen sav kimoun ni rézon oben kimoun ni tò. Sa difisil a jijé. Mwen, pandan lontan man ba toutmoun rézon, jikatan man rivé wè ki tousa man té ka ba rézon-an, té ni tò.
Kidonk man té ni rézon !
Sa fè ki man té ni tò !
Man té ni tò ba moun rézon ki té ni tò kwè yo té ni rézon.
Kivédi mwen éti pa té ni tò, man pa té ni pies rézon pa ba moun tò, ki té ka kwè yo té ni rézon, tandik ki té yo té ni tò.
Man ni rézon,han ? Pis yo té ni tò !
Epi san rézon, ankò ! La man ka testé pou di, pas …. Mwen tou, sa ka rivé man ni tò. Mé lè man ni tò, man ni rézon mwen, man pa ka ba.
Sa té ké rikonnet tò mwen !
Man ni rézon mwen ! han ?
Lè’w bien gadé… sa ka rivé mwen ba moun rézon éti ni rézon tou. Mé la ankò, sé an tò.
Sé kondisiré man té ka ba moun tò, moun éti ni tò. Pa ni rézon !
An finaldikont, man ka kwè ou toujou ni tò éséyé ni rézon anfas moun éti ni bon rézon kwè yo pa ni tò !
Transbòdaj an teks Rémon Dèvos
Jid
/image%2F0585490%2F20210916%2Fob_60d7af_raymond-devos.jpg)
/fdata%2F2626935%2Favatar-blog-1082880251-tmpphpCadlR0.gif){kind=avatar}