Overblog
Editer l'article Suivre ce blog Administration + Créer mon blog
24 août 2009 1 24 /08 /août /2009 01:20

KREYOLAD 280


 

Lé isenbot !

 

Ni an boug  Lajamayik ki krazé tout kous kouri , kisiswa san, désan met épi relè kat fwa san met. I pofité bat dé rèkòw di mond, yonn avan fet-li, lot-la lè landèmen.

Sa ki enmen espò, kontan sirtou neg mé ou pé pa kontanté tout moun. Man konnet an boug ki té anrajé telman i mandé :

-         Poutji an boug (menmsi sé an neg) ka genyen tousa laja pou an kous kouri ?

-         Es neg fet yenki pou bagay lafos ?

-         Es sé pas pou lapéti tousa yo té mété zanset-nou anba jouk lesklavaj ?

Yo té ka travay red anba solèy, ka maché vit ka kouri vit kisasayésa.

 

Mé sé Serjo ki anrajé kon an tig dèyè anlot kalté bann malprop ki dapré’y sé dé is…….(lang-li pa ni tan di’y pas i chonjé i té latélé) isenbot !.

Anfen sé té dé malprop ki té ka ladjé tout kochonni-yo a di met an « décharge publique » an koté éti yo ka jété zòdi pou ayen.

Misié di sé pa épi dé sitwayen konsa ou pé fè ayen pou péyi-a. Epi dé isenbot konsa, menmsi sé 73 oben 74 nou ké dèyé kon dé talon. Misié sé pé fè an konjésion afos i té faché.

Serjo vèti yo,  i di :

      - Tala yo jwenn an ké péyé pou lézot.

Asiparé, ké ni an lanmann ka monté jik a twa mil éro. Atelman yo ké ni a chwézi oben yo ka fè désan met anplis pou ladjé zòdi-yo obensinon yo ké ni a péyé an lanmann « salisè péyé isenbot».

 

Mé an politik tou ni dé isenbot. Dédé di Lwifé sé yonn, pas i fè i fè i rivé a fè yo annilé éleksion Lariviè-Salé. Ni an madanm ki di : abo di abo fè sa pé ké pasé konsa i pòté plent é pou toulbon Konsèy Déta di fo lé zélektè déviré voté.

An sel bagay ou ka tann adan komin- tala sé  jou-tala sé :

Isenbot !isenbot ! menmsi dé jennjan ka di yo lé kouri kon Usen Bolt.

 

Partager cet article
Repost0

commentaires

Présentation

  • : Le blog de jude duranty
  • : Publication régulière de textes créoles contemporains Kréyol tou lé jou
  • Contact

Recherche

Liens