Le blog de jude duranty

Pa ni lontan di sa té ni kat boug  Matinik ki té ni labitid bwè ti-fé yo bienkonmifo.

Non premiè a sé té TOUTMOUN. Yo té kriyé’y konsa pas i té bien épi tout moun, sof an sel moun. I pa té lé menm nonmen non’y.

Non déziem la sé té : ENTEL.

Twaziem la, yo té ka kriyé’y CHAKMOUN pas i té ka ba chak moun an, kont chajman’y lè yo té bizwen’y, mé i té ka di tout bel bonjou tou.

Kantapou dènié a, pèsonn pa té ka djè rivé tonbé dakò épi’y pas i té lé kontrifè TOUTMOUN avòté kon matrité, vet kon koklez. Sé bien pou sa  misié té faché épi’y épi i pa té lé nonmen non’y. Yo té ka kriyé’y : PESONN.

Té ni an koudmen pou fè asou twa ekta tè, é lalin la té pres bon pou planté. Yo mandé TOUTMOUN  fè’y. TOUTMOUN té sav ki ENTEL épi manniè annafè’y la té ké fè’y, i pa pran lapenn mélé. Epi Pétet CHAKMOUN té ja fè’y.

Mé rivé o rézimé, PESONN  ki pa té anvi trapé pies bab épi pies malpalan, pa pran lapenn mélé kò ‘y.

ENTEL lévé faché pas sé té travay TOUTMOUN. TOUTMOUN aprézan té ka kwè ki ENTEL té pé fè travay la. PESONN  pa janmen pansé ki TOUTMOUN pa té ké mélé kòy.

An final di kont, si sé pa té lengratitid pa té ké ni riproch. TOUTMOUN riproché ENTEL pas PESONN pa té fè sa CHAKMOUN té pé fè.

Moralité : Akondi poveb la : « met koumandé chien, chien koumandé latjé’y ».

Man pa lé riproché TOUTMOUN. Sa té ké bon si CHAKMOUN ka fè sa i ni pou fè san atann anlè lespwa mal papay ENTEL ki pé fè’y a la plas li.

Mwen ka vréyé mesaj tala ba TOUTMOUN  pou CHAKMOUN vréyé’y ba ENTEL.

Ga sa : pa oubliyé  PESONN pas i pé ké kontan