Overblog
Editer l'article Suivre ce blog Administration + Créer mon blog
13 septembre 2011 2 13 /09 /septembre /2011 16:21

 

Wawet anfanngas

 

Manmay lakot karayib dépi Préchè jik Ansdawlè té bien kontan wawet la ki té rété an déwò a. An plis di sa, ou sé di sa mennen koulirou a vini. Sé pa kanno yo maré pak padan pliziè fwa. Fok di tou, yo té bien manfoupamal zafè plaj Diaman té kouvè épi wawet. Yo pa té ni konmision ni pou jan Robè pa menm palé moun Ofanswa ki té ka santi vié lodè dépi konmen jou.

Mé dépi twa jou, sé yo ki mandé SeLe sa i ka fè pou maren-péchè lakot karayib. Misié doublé lanmonné a i té ja voté a. Yonndé ti­-jenn té bien kontan pas pou an fwa, yo pa té ké ni a penn siel ni pou ba lari chenn, pas yo té pé fè an véritab travay épi dé lanmen-yo. An plis di sa, yo té ant kanmarad. Jik ni yonn ki touvé an biyé 20 €ro anba wawet la. Sa permet misié achté yonndé Despé apré travay la. Yo trouvé labiè a té pli bon apré travay la ki lè yo ka bwè’y ajen a uitè’d maten.

 

Ni an péchè ki di :

-         Zafè wawet-tala yo di i sòti pabò lé Sargasse , mé sé an véritab anfanngas!

 

Yonn adan sé ti-jenn lan réponn li :

-         Papi, tjenbontiré ! Sé gras a wawet anfanngas la si jòdi nou ka travay, alos pa rété la, fè an gran won !

Sé ki jenn-tala té anpami lé chansé la mision lokal la éti té pofité anboché bon épé ki té ka ba lari chenn. Dan an moman yo té tounen, pa ranmasè tinet kon avan mé « ranmasè wawet » pou 1100 €ro. Sé san ayen ki pa bon, akondi pawol la : « vomié ou ni an ti-koko pasé ou chatré ».

 

Adan tout zafè ranmasé wawet-tala, ni an ti-jenn (i pa té fimen) i trouvé an bwet tou drol anba wawet la. Lè i wouvè’y, i konstaté sé pa té let an poud. I pa fè ni yonn ni dé, i kriyé sé kolbògò a ki félisité’y, pas sé té an balo kokayin.

 

Man ka mandé mwen es sé pa tousa ki fè wawet la anni dévlopé kò’y an gran an lanmè a ?

 

 

Partager cet article
Repost0

commentaires

Présentation

  • : Le blog de jude duranty
  • : Publication régulière de textes créoles contemporains Kréyol tou lé jou
  • Contact

Recherche

Liens