Overblog
Editer l'article Suivre ce blog Administration + Créer mon blog
11 novembre 2011 5 11 /11 /novembre /2011 19:18

Rondé si bel !

 

Rondé, sé an bel ti-fanm. I pa anvi sanm an fil fè, jijéwè an lonbraj fisel. Sé pa Rondé pèsonn ké di komkwa, afos I meg, I pé paré lapli anba an fil élektrik.

Epi 7 fanm ki ni kont pwa-yo, Rondé désidé montré moun ki yo koket, yo obidjoul, penpant anfen, yo ni otan élégans ki sé fanm mens-la.

Sé anba gran kwi-a yo té lé montré yo ni prestans, bon kadans épi bon tibren élégans.

 

Man konstaté té ni anlo madanm, bien anfom pou man pa di an chèw, sé lé prèmié té ka kritiké-yo. Mi sa man tann yonn anpami yo di :

-         Dé gro fanm kon zot, zot pa ni ayen a fè ! Zot ka chaché an nonm ?

 

Sé ki manzel pa djè mens é i pa ka rivé mété kò’y épi otan élégans ki Rondé. Sé bien pou sa, yo ka di’w délè « lospis sè mok de lopital » oben si zot lé « kannari ka di chodiè bonda’y nwè ».

Antouléka, lè man ka gadé otan Rondé kon sé lézot kandida a, yo pa té mantjé ayen pou yo té sa bel. Sa yo sav, sé ki épi grosè-yo, yo pa mélé, yo pa anbarasé ni enpiok pas yo bien adan tet-yo épi kò-yo.

Sa ki ka kontinié kriyé yo boté « hors normes », sa sé zafè yo bien, é sa ki enpotan, yo fout lé montré, yo ni plas-yo tou dan la sosiété.

Yo té lé montré ki sé pa yenki anlè fanm meg kon taso oben mens kon an fèy-tol, éti zié moun pé gadé.

Ni anlo moun ki pa kontan kanmenm pas es fok mété gro moun douvan douvan épi tousa maladi tjè, diabet. Sa ki pa té kontan té simié alé wè « Miss India » sé tala pa té ron pies. Man té ké anvi sav ki tan ké ni « Miss an bòn santé”.

 

Antouléka, Rondé ki dépi toupiti ron kon an ti-boul, pa mantjé mélé. Li Rondé i si bel, i pa mantjé ayen pas i ni kont pwa’y dan lavi a.

 

Partager cet article
Repost0

commentaires