Overblog
Editer l'article Suivre ce blog Administration + Créer mon blog
4 février 2013 1 04 /02 /février /2013 13:30

Lapèch an frédi

Lapech dan lanej sa red, sé sa Bètran éti ki mennen konba épi Lentersendika aprann.

Asiparé, lè misié épi dot kanmarad rivé an Frans, yo ba yo an bok. Toto épi dot minis té ké di :

-      Zot pa ka antré pas zot pa ni kanno, ni yol, ni gonmié ni yo plastik !Sé moun sendika péchè selman ki pou la.

Mari a dé men pa aplodi, mé i kouwi antré. Bètran té vini épi an avoka pou yo pa kouyonnen’y, pas nou sav tout chat yo chodé pè dlo fret. Sa fè ki misié rété an frédi a jikatan réinion fini. Lè Bètran déviré Matinik i di a tè Laéwopò Aimé Césaire :

-      Yo vann nou, zot trayi nou !

Sa ki yo-tala? Sa ki zot-tala?

An pawol ka di zot sé zòdi bodlanmè. Mé ou sé di chak bètafé ka kléré pou nam li. Mé es pa ni yonndé ki ped nam yo pou an tet balawou ?

Asiparé komkidiré 2014 ja ka préparé é (yo) ja ponmet (zot) pos. Asou manniè sa ka alé la a, asiré nou ké konnet anlot anbétéyaj é moun ké kouri fè lésans lè yo ké tann an bri, yo pou blotjé Lasara. (kon lanné pasé).

Lè pow la ké blotjé pé ké ni chanpay pou lafet é petet sa ké diré tibren pli lontan. Sa man pres asiré sé ki nou pa oblijé atann jik pak, lè krab Madagaska ké antré.

Pétet préfé a ké viré pran an désizion pou arété kolé krab, pas yo ké ni klordékòn tou.

Jéno té chanté :

-      Yo rivé sé péchè a !

Mé ou sé di ki kou-tala lè yo alé an frédi a yo pa rivé fè Léta tann sa yo bizwen pou nouri fanmi’y yo.

Man konnet yonndé péchè ki ja ka tonbé léta pas yo pa sav ki manniè yo ké péyé wol la.

Partager cet article
Repost0

commentaires

Présentation

  • : Le blog de jude duranty
  • : Publication régulière de textes créoles contemporains Kréyol tou lé jou
  • Contact

Recherche

Liens