Pa chaché travèsé glasi lè lariviè adébodman
Ou pé pa chaché janbé lariviè lè ni gwo dlo. Menmsi délè chimen-an pli kout. Eben manmay lot jou nou aprann an mové nouvel asou an glasi *.
Mé sa nou pou sav, si ou pé maché anlè an glasi pas pli plat, a nenpot ki lè, pli vit ki an bat zié, blipman, sirtou lè lapli tonbé an bwa, lariviè-a ka gonflé, pa kon zanndoli ka fè gwo majol, mé épi an gwo lavalas ka chapé désann pou chayé tousa ki an mitan lariviè-a, sirtou anlè glisi-a. Manmay « Larivié opozé’w pasé, i pé pa opozé’w tounen » Kidonk délè chimen dékoupé pa lariviè pou janbé an glasié pé kouté pli chè, kon chandilié. Respekté larivié adébodman *
Chonjé pawol-la ka di « Afos kalbas alé lariviè, an jou i rété ».
Adébodman : en crue
Chandilié : chandelier (Les chandeliers coûtent plus chers que l’enterrement)
Glasi : gué
Jid
/image%2F0585490%2F20250112%2Fob_085ae4_riviere-en-crue.jpg)
/fdata%2F2626935%2Favatar-blog-1082880251-tmpphpCadlR0.gif){kind=avatar}