Le blog de jude duranty

NWEL RAGGA

Lafen lanné-tala ka rivé ovantatè. Nwel-la fini flap, nou pa menm wè akilè. Sel bagay jik atjelman moun ka vréyé labou asou sé chanté kantik-la.

Ni an entèlektjel, i té ja ni dé kou an zel-li, i di an gwan mo moun pa té janmen tann :

• Nous assistons à in vakaboanajrizasion du Noël !

Nwel

Anlo moun pa konprann mo-tala, mé dapré Adjilbè, misié konstaté an sel vakabonajri an sé chanté nowel-la. Pa menm palé zafè chanté kantik lanné-tala. Té ni konmen group ki paret pres an chak komin. Si ni moun ka kontinié fè laribot-yo toujou adan sèten komin, anlo koté sé péyé pou alé dan chanté nowel.

Odjis di Adjilbè i jik tann di téni an chanté nowel a 50 éwo. Fok di, la té ké ni chanpay ka koulé kon dlo lasous.

Nwel ragga

Anlot boug (i pa té boulé) i di tou i konstaté nwel-la ka vini kon kannaval. Mwen menm tann an jenn manmay di ba an tonton’y :

• Ton léon, nwel-ou a renga,atjelman sé nwel ragga ki ni !

Jik atjelman Léon ped lapawol ek i estébékwé. Man té oblijé di’y :

• Konpè annou pran an kout chwob épi kité sé jenn manmay-la bat mizè-yo !

Chonjé ti-kochon té mandé manman’y : poutji djol-ou long konsa ?

Manman-an té réponn li ;

• Tanto, tan ou a wè

Nwel ka modènizé, asiparé lanné prochenn, asiré sa ké pli bel !

Jid

Bel poveb kréyol : « Vant pété, bon manjé pa gaté »

Not pou konprann

Certains s’interrogent sur la perte des valeurs du partage