Overblog
Editer l'article Suivre ce blog Administration + Créer mon blog
23 août 2010 1 23 /08 /août /2010 13:58

Paco (piti Mwen)

 

 

Dépi tou piti ou té ja ka benyen adan mizik lafanfaw-la. Lè’w pran disétan yo vréyé’w an Frans fè étid pou té kontinié tronpet-la. Aprézavwa ou fè bon mizik klasik, ou désidé ladjé sa pou fè anlot mizik. Sé di la, mizik Jazz la pri an dé lanmen’w ek an sel bagay ou té ka révé sé té ni an konga LP.

Lafiev Latin Perkision tonbé anlèw. Menmsi ou té ka tann tanbou-bèlè sé anlè LP-a ou té lé jwé. Ni moun ki di’w « sé prel chien ka djéri chien », ou kité LP-a pou timbal-la. Ou sé di sé a moman-tala lespri Latin Jazz-la fini pa antré daboudabò an dé lanmen’w, épi apré adan tout ko’w. Ou jwenn bon mizisien épi MAGMA, DIFE,…ou jik jwé épi Miles é sé pa dé vis misié té lé montré’y. Mé adan Latin Jazz ou té ja ni vis pasé lizin ni boulon.

Bazil pasé lot jou i kriyé’w :

-         Pako!

Ou pa réponn, mé ou trapé an konjésion pas ou té ni albom « Pitit mwen » pou té mété déwò. Ou pann dèyè loto lavi mizikal, érezdibonnè, pas nou pa té ké sav sa  « Lespwi tambou » épi « Macumba » obensinon « Calypjazz » adan « Caribbean Soul » pou préché kon an « Preacher » ka pran an ti « Dousin » épi ka di « I feel the Blues » « Bye-Ya ». Nou pa té ka pati an « Voyage » épi « Piti Mwen » pou an « Blues for you » ba « Melina » tousa pouw an pé, an ti-manniè « Peace ».

Jòdi jou, I la menmsi diks-tala fèw swé bon swé pou té vann-li. Nou ké kouté sé 13 mòso-a  ou kité ba nou-a.

Bazil viré déyè’w ek kou-tala i di’w :

-         Pako Charle !

Ou réponn épi tout dan’w lablanni :

-         Ry !

I viré di :

-         Pako Charlery !

Nou aprann ou pati san dé pè konnga’w –la. Mé asiré ou ké trouvé enstriman anlè a pou lézanj sa kouté ek tann sé solo’w la. Ou ké ladjé-yo kisiswa épi batri, timbal oben konnga.

Mizisien Matinik sirtou sa ka jwé tronpet épi perki, ka di’w mèsi pou Mizik Matinik. Zélev-ou SERMAC ka pléré gro dlo menmsi ou ké kontinié frapé lapo konnga an siel.

Mèsi misié Pako Charlery           

 Jid

 

Partager cet article
Repost0

commentaires