Le blog de jude duranty

Fanm an politik

Dimanch ka vini nou ké ni pou chwézi an bon lis anpami 9 kandida. Kou-tala nou pé pa di :

-      Man pa ka konprann ayen ant dé artik-tala !

La, sé an lis nonm épi fanm épi 2 lis fanm épi nonm.

 L’UFM vréyé an let ba tout sé kandida a, menm si nou an mwa mas, i pa anvi bwè dlo mouchas ankò. I pa lé yo fè mas épi fanm ankò.

Lanné-tala ka bay santan, fanm genyen an jounen pou i palé di dwa’y. Magré yonn dé ti pa douvan, Rita di :

-      An Bonnè ni dé fanm solid ki goumen pou fè ki fanm pa bet ni esklav ankò. Fanm fet pou respekté !

RFO pofité fè an pri pou mété an fanm a lonè. Sé Tati Jizou ki trapé’y kou-tala. Lè Tati Jizou alé pran pri’y la, épi fidji bel souriw li, i di yo :

-      Mèsi, mèsi mé zot pa ka pasé mòso mwen an radio zot la, magré man travay disétan isi a !

Nouvo direktè a té boudé kon an doub-sis. I té tou jennen é i pa té sav sa pou i té di.

An lo anpami-nou ka di nou enmen fanm, pas sé fanm ki fè nou sisi sila ; mé es nou ka lévé an plim pou lavi-yo chanjé ?

Fanm toujou ka fè doub jounen, yonn andéwò épi yonn andidan. Es nou ka fè an ti-manjé, an lavésel lè oben an lavé rad lè i déviré ?

Fanm toujou ka touché mwens lajan menm si yo ka fè otan travay ki nonm. Es nou ka lonjé an ti-lanmonné pou yo genyen sa yo anvi ?

Fanm toujou ka pran otan fè, pis adan lajénes ni yonn ki fini fè an jenn tifanm valé biyé dat nésans li pas i di jennjan an:

-      Man pa lé’w !

Ki tan fanm ké ni anlot konsidérasion an tjè nou épi sirtou an tet-nou ?

Pétét lè ké ni an fanm Laréjion, mé es sa pa an rev ?

 An ni gadé, apaw di Jèni konmen mè ki ni ?

Lèw sé an fanm an politik fout ou ka pran fè !

Mèkrédi lésann Niko la

Piè pa té djè kontan pas i déklaré :

-         Sé mwen ki mè isi a. Sé mwen yo pou wè avan. Laéwopò « Aimé Césaire » Lanmanten é i pa Fodfrans.

Adan zafè potokol-la, yo té lé prézidan-an wè préfé a avan’y. Misié vini épi gran londjè’y la pou di sa pé ké pasé konsa. O final di kont, yo vansé’y douvan tout moun.

Man pa té la, mé ni an boug kannaval ki di mwen :

-         A la fen, lè prézidan an pati, lafanfaw la jwé mòso Joko a. Mwen ni… Sarko an t… mwen ! (sé zot ki di’y)

Tout moun té ka gadé wè fidji prézidan-an pas asiparé i té ké fè an ziédou ba yonn di sé éli a. Radio bwa patat di sé Chaben. Lé mako di sé Serjo, mé ni anlo ki di sé Piè pas sé li premié i wè.

Antouléka, Niko té la pou salié lé ponpié. I rikonnet sé gras a kréyol la, ki permet jan isi ek gwadloup pli douvan pou té pòté moun Ayiti soukou. I sav sé yo prèmié yo ka kriyé lè ni an difé. Pipo ja menm chanté :

-         « Kriyé ponpié, kriyé ponpié ponpié difé pri an kannaval-la » !

An malprop pa mantjé mété grennsel li pou chanté tou :

-         Kriyé ponpié difé pri an lonba Marilis !

Yo di misié pé la pas i té ja boulé, mé pou toulbon difé té pri dan bouchri Vandestok la asou boulva a.

Marilis fè palé di’y. I di bien fò dan an konflérans sa té ka fè’y lapenn lajan gouvelman-an té ka pati Matinik, Laréyinion épi kisasayé épi Gwadloup pa té ka ni ak. Asiparé sa fraksé moun an Frans ki mandé démision’y. Yo té bizwen an bwabwa pou té brilé, yo panché kò-yo anlè Marilis. Tout moun sav akondi poveb la : « sé la pak ba ou ka janbé ». Mé manzel ki bon yich Sèset réponn-yo :

-         Pawol a zot sé dlo ka koulé si mwen kon si fèy a malanga ! Zò pé ké jan opozé mwen éli !

Manzel sav bien, kom i déziem asou lis, i sèten i chwézi an bon lis an ti-manniè alez kon Blez ki sizé obò on falez.

Asiparé Chaben pa ba Serjo lanmen pas Niko té ké bay lanmen avan, é i di sa ké pòté’y chans pou déviré prézidan.

Apré le 13 mas nou ké wè, es nou gadé mas pasé oben si nou ké mété kò-nou an travay pou Matinik pa rété an banbanm

Niko, ké la

Niko ké la, i ké bien la. I anonsé i ké Ayiti mèkrèdi lésann. I vini apré kannaval. Ou pa janmen sav, yo té ja fè chanté anlè’y, i pa anvi yo fè pies bwabwa anlè’y.

Yo di’y jan isi pa té ké ni tan risouvrè’y, pas lanné pasé té ni kannaval. Pamwen, i désidé vini Matinik jédi, ek vandrèdi Lagiyàn apré touloulou. I té anvi alé « Kay Nana » mé yo di’y i ké rivé tro ta, kannaval ké ja fini. I pa té lé yo chanté :

-         Lanné pasé, Sarko té ta-yo, lannè-tala Sarko ké vini ta-nou !

Pas pep Matinik di Lafrans sé pa ta yo selman, sé plis ki ta-nou. Menmsi i poko sav si i adan an vié garaj, antouléka sé silon latjé poul panché, i di non épi wi.

Es i ké di non pou serten boug épi wi pou an pati madanm kon Madlèn oben Jislèn ?

Marlèn ja janbé pit, i démisioné pas lakay sé sosialis la, sa té tro cho. Asiparé Rémon té lé pran’y pa kolé, ni moun ki di « au collier » pou yo té palé fransé dapré-yo.

 Sa fè ki Lwijo té oblijé vini limenm, mé poblem la sé ki i ja ni dé manda. Es i ké pé ni an twaziem épi ta Laréjion-an ?

Joko chanté ni  tout bagay an tj.. nou, le 17 févriyé nou ké ni Sarko an tj.. nou (sé zot ki di’y)

Lé Réjional ka vini ovantatè, é tout parti politik ka chaché an bon lis. Ni sa di té adwet ka rété adwet, menmsi yo pa toutafetman dakò.

Ni boug lagoch ki fè an kout goch, yo alé zayé pabò l’UMP.

Sarko ja di ké ni mwens plas, épi Lasanblé inik la, chak moun ann ka gadé la i pé trapé an bon ti-tot.

Antouléka ou sé di Serjo ka anvizajé monté pabò Plato Roy. Chaben pa anvi kité pies rafen vini konté lajan, i té ké séré anba an matla pou si an ka kouri vini. I té distribiyé an ti-gout ba moun Ladominik é sa ja protjiré’y bon nana. I jik pòté plent kont x, y épi z.

Ni moun an Frans ki bay bon aprobasion asou jésion Laréjion Matinik. Kidonk tousa ki ni défisi ka lonviyé pabò Klini pou gadé wè si yo ka wè lalimièw.

Lè Niko ké la, apré kannaval es i pé ké ri nou ?

Es i pé ké di an fon tjè’y :

-         Jan Matinik poko sav sa yo lé! Man ka viré di’y tou fò :

Toutan man ké la, Matinik pé ké menm otonòm jijéwè  endépandan. I ké toujour dépann di nou, menmsi man pou dépann an endépandantis !

Ayiti ni bon fè !

An simenn apré tranblanntè a, jan Ayiti Toma viré konnet an gro lapè. Latè-a viré brennen a 6,2 anlè léchel an boug ki ni anlo tè ; sé bien pou sa yo kriyé’y Richtè.

Tout moun ka palé di sa, pas katastrof-tala fè plis moun ki an tan volkan Senpiè. Pasé trantmil moun té mò klik, la sé aprochan senkant mil moun ki mò. Pasé  Twasan mil Ayisien an gaway toupatou an lari Potoprens, san manjé, san kay ek plen moun mò anlè trotwa.

Pandan simenn-lan Matinik té ni an bel jes solidarité. Chak moun an ba sa i té pé. Té ni tout kalté moun, gran kon piti, avòté kon matrité, vet kon goglè. Mé péyi-a krazé telman, sa pa an sel jou i ké bizwen-nou, mé pétet an bon monan ankò

Bon polémik ja koumansé fet. Pawol ennitil ka fè anboutéyaj, kamo ka simèjé kontel :

-         Sé an péyi madichon !

-         Sé an pak yo té ké fè épi djab-la !

-         Zafè vodou a té ké danjéré ek afos ni mizè an péyi a, sé loa vini fou an mitan tet !

Mé sé lé solision moun ka propozé ki tibren komik, kontel :

-         Vréyé RMIste Ayiti pou rendé débléyé !

-         Lo jennjan-an ki san travay-la ni ka alé la !

-         Viré lajan Divalié-a asou an kont pou sé ti orfèlen-an !

-         Yo ni ka pran an pati an lajan Titid-la pou viré fè Palè Nasional.

Andidan tout lo pawol-tala ni yonn ki di mwen :

-         Ni moun isi ki ni labitid konyonnen Ayisien, yo ka fè yo travay pou ayen. Es sé pas yo wont atjelman ki fè yo ka fè wol wouvè lanmen akondi yo pa piétè ?

I viré di ankò pli fò :

- Lè nou lé fè an grat asou lajan konstruksion kay, es nou pa ka kriyé Ayisien pou fè travay-la ?

Erezdibonnè yo rivé tiré yonndé moun anba lo dékonm-lan apré pasé 8 jou. Mé polimik ka woulé asou wol méritjen an péyi a.

Asiparé yo opozé an avion fransé, pozé laéwopò Toussaint Louverture. I té oblijé alé jik an Dominikani. Menmsi sé Léonel ki prèmié prézidan ki vizité Ayiti.Nou tout sav ki sé dé pep-tala, chien-yo pa ka djè alé lachas.

Tousa ka montré nou fo toujou bien épi vwazinaj, pas sé yo prèmié ka pòté’y soukou. Tout sé bagay-tala ka fè nou réfléchi, pas nou pa oblijé a labri.

Matinik di : non

Le 10 janvié 2010, nou pa té ni pou voté pou an nonm, mé pou té di wi oben non. Es nou lé otjipé di zafè nou nou menm kon dé gran moun ?

Ou sé di pou le moman, nou poko paré pou sa. Nou simié Léta otjipé di nou pas nou poko lé responsabilité.

Yo konsilté-nou pou mandé-nou avi nou, sé pa bagay ka fet souvan. La majorité Matinik di non. I pa lé pran liméwo 74-la pou défann lentéré prop li.

I di non telman yo jik chanté pabò lanméri Foyal. La pa té ni « chat an sak » é pèsonn pa sav si nou « pran dlo mousach pou let ».

Niko la dwé ka ri pas i dwé ka di :

-         Yo défilé an févriyé lanné pasé pou di Matinik sé ta yo, mé yo poko paré pou pran reskonsabilité pou Matinik ! A 80 pou san, yo di i bon kon sa.

Chaben épi Klod ki té rasanblé pou an chanjman té tris kon an dimanch san poul épi diri. Chaben té ja vèti :

-         si 74 la pa pasé man ké sav sa pou man fè!

Antouléka, pep-la sav sa i lé. I di i lé rété lianné ek an tjè-koko épi Lafrans. (Menm si anlo moun pabò Lafrans pa té menm okouran ki té ni an konsiltasion Matinik). Marilis panché kò’y pou di :

-         Matinik di i pa matinitjé mé fransé an fwa pou tout ! I di Niko, i pa lé Lafrans ladjé’y pas i lé rété dan Lérop.

Asiparé ni an  twaziem vwa ké vini pou nou paré dan sizan pétet (si ni moun !). Twaziem vwa-a lé anlot lotolomi ki pa an 74 la. Sé an loto kon ta Lomi a, kidonk an bel katkat pou I roulé an gou’y, lè I lé, menmsi ni anboutéyaj.

Serjo rijété an vié ajanda ek an SMDE (Schéma martiniquais du Développement Economique), i di i pa lé’y pas sé jan isi ki fè’y. Kivédi dépi i sòti Matinik asiré i pa dwé bon, menmsi an gran-nonm ki pa an gran-pen di « méyé espésialis bagay matinik sé matinitjé ».

Pep la di non, i pa lé yo palé’y di chanjman, pas nou poko kapab mété kò-nou ansanm ansanm, kolé tet kolé zépol pou nou fè an péyi nef.

Pou le moman i ka chanté épi Joko, mi wélélé pas i ja ka chonjé kannaval-li é i ni lenpo an tj…. (sé zot ki di’y).