Le blog de jude duranty

KREYOLAD 290

Lè ou piti

« Lè ou piti fout ou ka pran fè », akondi Janklod, an boug ka rété pabò verjé a ; sé bien pou sa yo kriyé’y Janklod Diverjé.

Lè’w piti, menmsi ou rété pasé karannsenkan asou an tè ; menmsi an lwa ka ba’w dwa, apré trantan pou ou réklamé’y pou ta’w ; lè sé an tè bétjé éti ki di sé ta’y, ou pa oblijé ni pies chans. Selman si dot moun solid mété kò-yo pou kolé tet épi’w.

Sé sa ki rivé Bélo éti asou an tè pasé karantan. An bétjé té ba’y lod an tan an, mé jénérasion bétjé-tala di’y konsa :

-         Si ou pa ni papié, ou pé pati pa pié ! Pétet menm épi an pié douvan !

Jòdijou, an ti-yich trouvé yo malmennen bétjé trop an févriyé démil nef. I di’y konsa :

-         Pis zot lé fè an péyi nef, ba mwen laktè’w ! Sinon ou ké péyé an loyé nef !

Bélo pa ni papié, lajistis tonbé an zo’y. Labank ja jik blotjé kont-li, pas bétjé sav ki manniè pou ranmasé lajan yo ka dwé yo.

Lè’w piti épi ou ka travay Kolson, lè ou mandé pou travay an manniè pli korek, kontel, pa mété dis moun adan an chanm ka pran kat malad ; yo ka pran’w pou an boug fou. Mé afos afos baré, sé grévis la fini pa trouvé an solision.

Lè’w piti épi ou pa ni lajan pou genyen an loto, ou oblijé pran’y a pié. Sé bien sa ka rivé tout jan Fodfrans éti ki ni labitid pran MOZAIK.

Lè ou sé an piti transpòtè, kidonk an soutrétan, ou pé vini an soutirè pas ou ka trapé yen ki lanmonné kod.

Mé lè ou adan an piti komin épi ou désidé baré lawout, yo ka trouvé an solision lamenm. Sé bien sa ki rivé dan linò lendi. Lè Lépin mété an traktè lakomin la an mitan lari a,  dwet douvan an lizin limiè, yo trouvé an solision lamenm. Yo ba L’EDF lotorizasion agrandi, mé li ki mè i pa ni lod pou an tè éti i pou fè kay ba méléré. Tout la senn jounen moun ka défilé pou yo mandé’y an pal adan zafè kay-la. Tout jenn manmay lé pran kay-yo, pas lè yo bò kay manman-yo, sé zot premié ka di :

-         Fout zo fenyan an !

Sé menm zafè piti a, lè ou piti fout ou ka pran fè.

KREYOLAD 287

Nou ka tonbé !

Sé jou-tala, ou sé di nou ka tonbé bien ba, an manniè tjoupoutet. Lot jou an ti-fi koki zié an tibolonm, atjelman sé an boug ki asazinen madanm li avan I pann kò’y. Madanm la té lé chanjé lavi, i té bizwen yonn dé bo. Boug-la pa konprann i pa pran sa, i bay dé bal.

Ildèvè ki fini sòti lot péyi, tou abazoudi. Misié fini rantré pou dapré’y pasé an ti laritret trankil lecha, épi i ka tann tou sa. I jik mandé mwen :

-         Es sé pa dan an péyi lotbò éti boug ka fè sa yo anvi épi fanm man yé ? Man di misié :

-         Sé bien Matinik ou yé !

Sé pa Matinik la ou té kité a ni pasé trantan. An tan-tala té ni plis respé menm si boug té ka pran koutla-yo tou. Jòdijou Fanm pa ka rété pran kou ankò, sa fini ! Kou pa soup !

Misié di-mwen :

-         Man ka viré pati, man té konprann ki sé la man té yé a ki té cho, mé isiya ankò pi danjéré !

Man pa té tro sav sa pou té réponn, man di’y konsa :

-         Ga sa, si ou pa dakò épi vakabonajri-tala, sanmdi bonmaten  désann douvan Lakatédral!

Zot sav ni boug ki pa djè enmen palé pou ayen, tann sa yonn di :

-         Sé pa dot ki lo gaz lafimen sé avion « la patrouille de France » la ki simen an kochoni anlè tet-nou.  An plis di sa, lafimen an té blé blan rouj, sa sé mové sin !

Vréman, vréman, ni boug ki enmen palé pou ayen !

Man tann anlot di :

-         Pou tout lo bordel-tala sispann, fo nou alé an swasannkatoz la lamenn !

I poko té fini di sa, anlot koupé pawol li ek i di :

     -  Mé wi, sé pas zot lé chanjé ki fè tousa ka rivé nou !

Palapenn man di zot, sé té an swasanntrèzis ki vréyé fion-tala !

Antouléka, Niko la, i ka gadé jan isi débat kon dé mal krab dan an menm tou. I pa konnet kréyol mé i asiré ki « dé mal krab pa pou rété dan an menm tou ». Asirépapétet le 17 ek le 24 janvié lanné prochenn, nou ké sav ki manniè krab-la ka dékalé a.

Péchè Matinik ké ni pou ay chaché anlot travay pou fè, magré chomaj la. Mari pa kontan é Rèné anrajé kon an kong pas lé Zafer maritim di pwason Fodfrans pwézonnen, san di egzaktiman koté. Es pwason ki an labé a pa ka alé Lanmanten épi viré monté pabò Chechè ?

Kantapou Moris, li non pli pa djé pas yo di pwason Ofranswa ni klordékòn.

Es pwason bato a pli bon ?

Ni an boug ki di mwen :

-          Sé sa selman man ka manjé pas man asiré an déwò a pa ni klordékòn !

Antouléka, man konstaté ki sé pwason éti yo di ni klordokòn la, sé direktiman sa jan isi.  Sad, langous, viej kay, patat épi kisasayésa..

Tout moun an resztoran sé langous yo lé manjé.

Es nou koumansé péyé néglijans nou ?

Yo toujou di nou pwason pli bon ki viann, atjelman es nou pé manjé pwason sé péchè nou an ?

Es tousa sé pa pou nou kouri alé achté viann konjlé ?

Es nou ké kouri an libsèvis pou achté pwason glasé ?

Ki tan lé poliè ké péyè ?

Poulemoman sé lé péchè ki lé péyè pas pou lapéti nouvel-tala, pwason yo ka rété anlè kont yo. Déjapouyonn, senn pa ka djè maré pak, é péchè  ka brilé bon lésans (menmsi i détaksé) pou alé chaché yo jik miklon.

An bagay lè an ton té rivé, tout té ka vann dan an moman, atjelman i ka rété anlè kont péchè a. Lè yo glasé’y es sé pa alè-tala i ké fè moun mal ?

Epi yo ké di :

-         Zot wè, pwason an pwézonnen an moun !

Es sé pa konportasion nou ka mélé nou?

 Es sé pa nou menn ka pwézonnen kò-nou ?

Man pa djè ni labitid manjé langous, man mandé an péchè sèvi mwen bien. Lè man pran dé tjilo varé, i jik ba mwen an liv anlè’y.

Man pa rifizé’y, man ka manjé’y an tout kalté sos, an blaf, an dob, an koubouyon pa menm pale lè i bien fri.

Man ké wè apré si pwason ni pwazon.

KREYOLAD 283

I pati !

Lasimenn pasé, ni an kous ki pati. Sé pa kon ta Dikos éti Jozef (an manmay Sent-Lisi) rivé douvan anlot boug Gwadloup (Edi) ki té anvi jwé boula.

Sé anlot kous pou an pati boug ki lé kondui destiné Matinik, anlot manniè pou dirijé péyi-a ki ka pran bon fè épi, moun an chomaj, lantoupriz ka fèmen kon Mariwont ou ka menyen.

Pa koté Chelchè, lé swasannkatòzis fè an konsit piblik épi OBJEKTIF 74, pou montré moun fo pa tadé, pas i ja ka ta. Matinik ni an chimiz tro piti, fo chanjé’y pou ni anlot éti ou pli alez.

Lé swazanntrèzis pou pa ped tan-yo, fè ta-yo épi DINAMIK 73. Asiparé yo di : « pou pli ta pa pli tris », ek Matinik sé an bel katkat, mé i pa ni bon chofè pou mennen’y.

Fodi, pa koté Lariviè-Salé sa té cho toubannman dimanch. Dédé fè tout kanmarad-li vini pou bay an pal. I jik di Eleksion minisipal la enpòtan pou komin li mé pou tout Matinik.

I pofité vréyé bon lavwa kont lé swasannkatòzis pas Lwifé ki ka vini kont li pou artik-tala. I lé an Matinik responsab.

Kantapou Dani i di sé lotolomi i lé.

Sé bien pou sa adan menm komin la, Serjo di :

-         Man lé an lotolomi, mé man pa présé, man pa lé fè fou !

Asiparé i té ké di :

-         Chaben épi anlot i pa nonmen fè an chéma ba Matinik ek yo mété’y adan an ajanda, i pa dakò pou sa!

Adan tout lo welto chak moun an, pep la ka éséyé konprann kon i pé. Lè yonn di an bagay ki kom klè, anlot menm parti a ka ajouté anlot pawol ki ka pli mété moun an nwè.

An pati ka di sa senp. Pou sa réponn asou difikilté Matinik, fo Matinitjé fè zafè-yo yo menm.

An konpanyi ka di, fodra pa menyen ayen, pas adan mannkè a yo yé a, i bon konsa.

Anlot ka réponn, fo pep la désidé limenm.

Ki manniè pep la pé désidé san moun i fè tan éli ?

Tousa fè Piéro mandé yo fèmen tout désidè Matinik dan an péyi kontel Sent-Lisi épi toutan yo pa rivé tonbé dakò asou manniè pou dirijé Matinik, yo pa ka sòti.

Tout sé bagay-tala ka fè moun bwè let anlè tet-nou pou di nou pa ka rivé tonbé dakò.

Anni gadé « Lisé Chelchè », sé an mènas pou liséyen i ka tonbé an chipan’y. Yo pé pa rifè’y. Yo pé pa ranjé’y é.

Mé sé sa la démokrasi tou. Chak tet chak espri é yo tout ka di yo enmen Matinik.

Es sé kò-yo oben Matinik yo enmen pou toulbon ?

Lagrip A…

Tout moun sé jou-tala ka chanjé konpowtasion.

Lé kanmarad pa ka djè ba’w lanmen ankò, anlo moun trapé an model  lagrip. Sé lagrip A.

Lagrip A… pran pokosion. Tala ka di’w sa’w fè olen pou pa apenn menyen lanmen’w.

Lagrip A… fè kouyon.  Kontel anlot ka fè’w konprann i pa anvi bo’w. Lè i wè’w ka vini, i ka pran portab li pour montré’w i ka palé an téléfòn-li. Mé i ka fè’w an ti-sin pou’y sa fè’w wè i wè’w.

Anfen chak moun ka chacé an manniè pou pa ba’w lanmen obensinon pou pa bo’w.

Tousa ka montré sé an lagrip A fè’w chanjé manniè viv ou.

Ni an boug ki di mwen :

-         Ou sav poutji sa rivé Matinik ?

Man di’y :

-         Anh –anh !

I réponn mwen ében kouté :

-         Sé pa ni vakansié ki mennen sa isi, mé man pé asiré’w ki sé an viris yo ladjé an siel. Dapré’w poutji Lapatrouy de Frans vini isi ?

Misié ajouté :

-         Ou pa wè yo ladjé lafimen blé blan rouj, sé pou goumen kont viris la. Sé moun an ki asou lakot karayib la pa pou trapé lagrip.

Man mandé’y poutji :

-         I di mwen normalman, adan komin ki ni mè endépandantis kontel Lariviè-Pilot oben Sentan, yo pa protéjé pas yo pa djè enmen sé koulè-tala.

Man kouté misié bienkonmifo. Ni anlè man fè mwen an lidé :

Es misié ni rézon ?

Es misié pa trapé lagrip A di bétiz ?

Es sé mwen ki ni an lagrip A pa konprann ?

Anfen i ka sanm, vakans la pa fè tout mou di bien.

Adan tout zafè-tala man konstaté ki Marilis panché ko’y asou pri lésans la. Manzel lavé lanmen’y ek i di lésans ké wosé pou 7 santim.

Toupandan Marilis té ka lavé lanmen’y, man konstaté  La SARA ka froté ta’y é asiré sé pa lagrip yo ka trapé mé an manniè pou fè lajan.